Bokstan Prezıdent Kýbogy: Úsh salmaqtan da qazaq qyzdary kósh bastady
ASTANA. QazAqparat - Búgin Astanada bokstan QR Prezıdenti Kýbogynyń fınaldyq aıqastarynda burymdy qyzdar arasynda ótken úsh salmaqtan da qazaqstandyq arýlar kósh bastady, dep habarlaıdy QazAqparat tilshisi.
60 keli salmaqta fınalda qos qazaqstandyq boksshy Rımma Volosenko men Karına Ibragımova júdyryqtasyp, Ibragımova jeńiske qol jetkizdi.
Bul salmaqta úshinshi oryndardy Fılıppın boksshysy men reseılik boksshy ózara bólisti.
Al 75 keli salmaqta qazaq qyzy Darıǵa Shákımova men Reseı arýy Darıma Sandakova qolǵap túıistirip, jeńisti qarakóz qaryndasymyz qanjyǵasyna baılady. Bul salmaqta úshinshi oryndardy ındııalyq Lovına Bordjohaın men bizdiń otandasymyz Farıza Sholtaı ıelendi.
Esterińizge sala keteıik, osyǵan deıin 51 keli salmaqta Nazym Qyzaıbaı qarsylasy Jaına Shekerbekovany utyp chempıon bolǵanyn habarlaǵan bolatynbyz.
Osylaısha burymdy arýlar arasyndaǵy QR Prezıdenti Kýbogy óz máresine jetti.
