Bokstan Prezıdent Kýbogy: Erler arasyndaǵy alǵashqy altyndy fılıppındik ıelendi
ASTANA. QazAqparat - Búgin Astanada bokstan ótip jatqan QR Prezıdenti Kýbogynyń fınaldyq aıqastarynda erler arasyndaǵy alǵashqy altyn júlde úshin 49 keli salmaqta synǵa túsken Ashat Júsipov fılıppındik Pýkıhan Karloǵa ese jiberip aldy, dep habarlaıdy QazAqparat tilshisi.
Bul salmaqta úshinshi oryndarǵa qazaqstandyq boksshy Shalqar Abylaıhan men Qyrǵyzstan boksshysy Mırlan Týrbaı qol jetkizdi.
Esterińizge sala keteıik, burymdy qyzdar arasynda ótken úsh salmaqtan da qazaqstandyq arýlar kósh bastady. Olar 51 keli salmaqta Nazym Qyzaıbaı, 60 keli salmaqta Rımma Volosenko jáne 75 keli salmaqta Darıǵa Shákımova chempıon atandy.
