Bokstan ótetin Qazaqstan birinshiligin qaı arnadan kórýge bolady
ASTANA. QazAqparat - 2017 jyldyń 5-12 qarasha aralyǵynda Shymkent qalasynda bokstan erler arasyndaǵy Qazaqstan chempıonaty ótedi. Bul birinshilikte elimizdiń barlyq oblysy men Almaty, Astana qalalarynyń eń úzdik bylǵary qolǵap sheberleri baqtaryn synaıdy, dep habarlaıdy QazAqparat.
Chemıonatqa 2016 jyly WSB jobasyndaǵy «Azııanyń eń úzdik boksshysy» atanǵan Aslanbek Shymbergenov (69 kg), Qazaqstan Respýblıkasynyń boks sheberi, halyqaralyq týrnırlerdiń júldegeri Rasýl Jańbyrbaı, 91 keli salmaq dárejesindegi bylǵary qolǵap sheberi Anton Pınchýk jáne taǵy da basqa otandyq bokstyń úzdikteri qatysady.
Atalmysh sport dodasyn «QAZSPORT» telearnasy tikeleı efır arqyly taratatyn bolady.
