Bokstan olımpıadalyq irikteý týrnıri: Sáken Bıbosynov shırek fınalda súrindi

AMMAN. QazAqparat – Iordanııanyń Amman qalasynda ótip jatqan bokstan Olımpıadaǵa irikteý týrnırinde búgin alǵashqy bolyp rıngke shyqqan Sáken Bıbosynov qarsylasyna jol berdi, dep habarlaıdy QazAqparat tilshisi.

Shırek fınalda 52 kelige deıingi salmaqtaǵy Sáken Bıbosynov qytaılyq Hý Jınhýamen judyryqtasty. Asa tartysty ótken jekpe-jek qorytyndysynda tóreshiler qytaılyq boksshyny jeńimpaz dep tapty.

Bul Ǵalymbek Kenjebaev baptaıtyn boksshylardan jarys jolynan shyǵyp qalǵan alǵashqy boksshy.

Esterińizge sala ketsek, osyǵan deıin 69 keli salmaqta Abylaıhan Júsipov, 81 keli salmaqta Bekzat Nurdáýletov, 91 keli salmaqta Vasılıı Levıt, 75 keli salmaqta Ábilhan Amanqul jáne asa aýyr salmaqta (+91) el namysyn qorǵap jatqan Qamshybek Qońqabaev Tokıo Olımpıadasyna joldama jeńip alǵan bolatyn.

Endi búgin Bıbosynovtan basqa taǵy eki boksshymyz sharshy alańǵa shyǵady. Olar - 57 kelide Serik Temirjanov pen 63 keli salmaqtaǵy Zákir Safıýllın.