Bokstan Olımpıadaǵa sońǵy lıtsenzııalyq týrnır: Nazym Qyzaıbaı jarysty jeńispen bastady

ASTANA. KAZINFORM - Taılandynyń Bangkok qalasynda ótip jatqan bokstan Olımpıadaǵa sońǵy irikteý týrnırinde búgin el quramasynyń sapynan Nazym Qyzaıbaı (50 keli) alǵashqy jekpe-jegin ótkizdi.

Bul joly qazaqstandyq boksshy slovakııalyq Nıkol Dýrıkovamen kezdesti. Slovakııalyq sportshy óz eliniń chempıony, 22 jasqa deııingi jastar arasynda Eýropa chempıonatynyń kúmis jáne qola júldegeri bolǵan.

Jekpe-jek barysynda Nazym senimdi oıyn kórsetti. Ekinshi raýndta qarsylasyn nokdaýnǵa jiberdi. Sálden soń tóreshiler jekpe-jekti toqtatyp, Nazymnyń jeńiske jetkenin málim etti.

Nazym Qyzaıbaı 1993 jyly dúnıege kelgen. 2014, 2016 jyldarda álem chempıony atansa, 2012 jyly kúmis medal aldy. Al, 2021 jyly Azııa chempıony tuǵyryna kóterildi.

Aıta ketsek, áıelder quramasynda odan basqa Uljan Sársenbek (54 keli), Rımma Volosenko (60 keli), Natalıa Bogdanova (66 keli) men Valentına Halzova (75 keli) el namysyn qorǵaıdy.

Sondaı-aq erler quramasynda Muhamedsabyr Bazarbaıuly (63.5 keli) sharshy alańǵa shyǵady.