Bokstan lıtsenzııalyq týrnırge kimder barady

ASTANA. KAZINFORM - Italııanyń Býsto-Arsıtsıo qalasynda ótetin lıtsenzııalyq týrnırde el namysyn qorǵaıtyn qazaqstandyq boksshylar belgili boldy.

Lıtsenzııalyq týrnır 4-11 naýryz aralyǵynda ótedi. Onda tek jartylaı fınalǵa shyqqan boksshylar 2024 jylǵy Parıj Olımpıadasyna joldamaǵa ıe bolady.

Atalǵan týrnırde el quramasy sapynda Sáken Bıbosynov (51 keli), Mahmud Sabyrhan (57 keli), Muhammedsabyr Bazarbaıuly (63,5 keli), Aslanbek Shymbergenov (71 keli), Nurbek Oralba (80 keli) men Aıbek Oralbaı (92 keli) baq synaıdy.

Al Olımpıada joldamasyna ıe bolǵan Qamshybek Qońqabaev (92 keliden joǵary) atalǵan týrnırge qatyspaıdy.

Qazaqstandyq boksshylar qazirge deıin Jazǵy Olımpıadada barlyǵy 22 medal aldy. Onyń ishinde 7 altyn, 7 kúmis, 8 qola bar.