Bokstan lıtsenzııalyq týrnır: Rımma Volosenko shırek fınalǵa shyqty

ASTANA. KAZINFORM - Bokstan Italııanyń Býsto-Arsıtsıo qalasynda ótip jatqan halyqaralyq lıtsenzııalyq týrnırde qazaqstandyq boksshy Rımma Volosenko úshinshi jeńisine qol jetkizdi.

Ol búgin Ýrýgvaı sportshysy Kamılla Paolo Pıneırodan aılasyn asyrdy. Asa tartysty ótken jekpe-jekte qazaqstandyq boksshy jyldam qımyldap, dál soqqylaryn daryta bildi. Sondaı-aq, Rımma 2-raýnd barysynda qarsylasyn nokdaýnǵa da jiberdi.

Endi otandasymyz shırek fınaldyq aıqasyn erteń ótkizedi.

Esterińizge sala keteıik, otandasymyz keshe vengrııalyq Petra Sabomen judyryqtasyp, qarsylasyn esh qıyndyqsyz jeńgen bolatyn.

Al birinshi jekpe-jeginde Trınıdad Tobago eliniń ókili Tıanna Gýımen kezdesip, tóreshiler sheshimimen basym tústi.