Bokstan lıtsenzııalyq týrnır: Muhammedsabyr Bazarbaıuly 1/4 fınalǵa shyqty

ASTANA. KAZINFORM - Taıland astanasy Bangkok qalasynda ótip jatqan bokstan Olımpıadaǵa irikteý týrnırinde búgin, 29 mamyrda qazaqstandyq Muhammedsabyr Bazarbaıuly (63.5 keli) 1/4 fınalǵa joldama aldy.

Qazaqstandyq boksshy 1/8 fınalda ıtalııalyq Djanlýıdjı Malangamen kezdesti.

Jekpe-jek barysynda Muhammedsabyr jınaqy qımyl kórsetti. Qarsylasyna kóbirek soqqy jumsady. Nátıjesinde tóreshiler 4:1 esebimen qazaqstandyq boksshynyń jeńgenin jarııalady.

Endi Muhammedsabyr 31 mamyrda kýbalyq Erıslandı Alvarespen sharshy alańǵa shyǵady.

Qazirge deıin Muhammedsabyr eki jekpe-jeginde fılıppındik Krıstıan Pıtt Lorentti, túrkııalyq Mızan Aıkoldy tize búktirdi.

Aıta ketsek, elimizdiń erler quramasy buǵan deıin Olımpıadanyń 6 joldamasyn jeńip aldy.

Atap aıtqanda, olardyń qatarynda Sáken Bıbosynov (51 keli), Mahmud Sabyrhan (57 keli), Aslanbek Shymbergenov (71 keli), Nurbek Oralbaı (80 keli), Aıbek Oralbaı (92 keli) jáne Qamshybek Qońqabaev (92 keliden joǵary) bar.

Al budan buryn áıelder quramasynda Karına Ibragımova Parıj Olımpıadasyna joldama alǵan edi.

Taılandtaǵy irikteý týrnırinde Uljan Sársenbek (54 keli), Rımma Volosenko (60 keli) men Natalıa Bogdanova (66 keli) jarys jolyn aıaqtady.

Endi áıelder quramasynan Nazym Qyzaıbaı (50 keli), Valentına Halzova (75 keli) saıysqa túsedi.