Bokstan lıtsenzııalyq týrnır: Zákir Safıýllın Olımpıadaǵa barady

AMMAN. QazAqparat – Búgin Iordanııanyń Amman qalasynda ótip jatqan bokstan Olımpıadaǵa irikteý týrnırinde erler quramasy qazaq qorjynyna kezekti lıtsenzııa syılady, dep habarlaıdy QazAqparat tilshisi.

63 kelige deıingi salmaqta synǵa túsken qazaqstandyq boksshy Zákir Safıýllın Azııa-Tynyq muhıty aımaǵynan irikteý týrnırinde Olımpıada jolamasyn jeńip aldy.

Ol shırek fınalda ırandyq Ashkan Razaıdan aılasyn asyryp, jartylaı fınalǵa shyǵyp qana qoımaı, lıtsenzııany qanjyǵasyna baılady.

Osylaısha, Ǵalymbek Kenjebaev baptaıtyn boksshylar ázirge 6 joldamajeńip aldy.

Esterińizge sala keteıik, osydan shamaly ýaqyt buryn 52 kelige deıingi salmaqta sharshy alańǵa shyqqan Sáken Bıbosynov shırek fınalda qytaılyq Hý Jınhýamen judyryqtasyp, jeńilip qalǵan bolatyn.

Atalǵan týrnıde Olımpıadaǵa joldamany 69 keli salmaqta Abylaıhan Júsipov, 81 keli salmaqta Bekzat Nurdáýletov, 91 keli salmaqta Vasılıı Levıt, 75 keli salmaqta Ábilhan Amanqul jáne asa aýyr salmaqta (+91) el namysyn qorǵap jatqan Qamshybek Qońqabaev aldy.

Endi búgin 57 kelide Serik Temirjanov Tokıo joldamasy úshin talasady.