Bokstan əlem chempıony Ýnıversıada alaýyn Aqmola oblysy atynan Almatyǵa jetkizedi
Aqmola oblystyq dene shynyqtyrý jəne sport basqarmasy basshysynyń orynbasary Əset Búkibaevtyń aıtýynsha, Alaý estafetasy eki kezeń boıynsha ótkiziledi. Erteń Kókshetaýdaǵy M.Ǵabdýllın eskertkishiniń aldynda saǵat 10.00-de alaýdy tutatý saltanaty ótedi. Ekinshi kezeń Sh.Ýəlıhanov atyndaǵy Kókshetaý memlekettik ýnıversıtetiniń aldynda saǵat 15.00-de bastalady. Barlyǵy 50 alaýger - joǵary oqý oryndarynyń stýdentteri, ərtúrli mekemelerdiń beldi qyzmetkerleri, Sh.Ýəlıhanov atyndaǵy Kókshetaý memlekettik ýnıversıteti, Abaı Myrzahmetov atyndaǵy Kókshetaý ýnıversıteti, Kókshetaý tehnıkalyq ınstıtýty belgilengen baǵytta júrip ótip, estafeta «Kókshetaý» mədenıet saraıynyń aldynda óz məresine jetedi.
Alaýdy Aqmola oblysy atynan Almatyǵa jetkizetin bokstan əlem chempıony Dına Jolaman. Al, alaýdy tutatý mərtebesi shańǵy jarysy boıynsha sport sheberi, 2013 jyly Italııada Trentınoda ótken Dúnıejúzilik qysqy ýnıversıadanyń skıatlon jarysynan chempıony jəne estafetalyq jarystyń qola júldegeri Tatıana Osıpovaǵa buıyryp otyr.
