Bokstan QR Ulttyq quramasynyń basty mindeti - Londonda sátti óner kórsetý
ASTANA. 13 qazan. QazAqparat - Búgin elordada 26 qyrkúıek pen 8 qazan aralyǵynda Bakýde ótken álem chempıonatynda óner kórsetken Qazaqstan Respýblıkasy Ulttyq qurama komandasynyń saıys jolyndaǵy nátıjeleriniń qorytyndysyna arnalǵan baspasóz máslıhaty ótti,
dep habarlady QR Boks federatsııasynyń baspasóz qyzmetinen.
Baspasóz máslıhatyna Qazaqstan Boks federatsııasynyń vıtse-prezıdenti ıÝrıı Tshaı, bokstan QR-nyń memlekettik jattyqtyrýshysy Bolat Ábdirahmanov, Bokstan QR Ulttyq qurama komandasynyń bas jattyqtyrýshysy Myrzaǵalı Aıtjanov jáne Ulttyq quramanyń kapıtany Serik Sápıev qatysty.
Jıyn barysynda álemdik birinshilikte eki kúmis, eki qola medal, Olımpıada oıyndaryna 5 joldama utyp alǵan qazaqstandyq boksshylar jaman nátıje kórsetpegendigi atalyp ótildi. Máselen, 2009 jyly Mılanda ótken álem chempıonatynda bizdiń qurama tek bir qola medal alǵan bolatyn. Demek, osy jolǵy elimizdiń bylǵary qolǵap sheberleriniń nátıjesinen sporttyq oń ósýdi baıqaýǵa bolady.
Bokstan QR Ulttyq quramasynyń aldynda turǵan basty mindet - London olımpıadasynda sátti óner kórsetý. Komanda aldyna olımpıada lıtsenzııalaryn jeńip alý turǵysynda qoıylǵan maqsat tolyǵymen oryndaldy. Búkilálemdik boks serııasy aıasynda Qanat Ábýtálipov jeńip alǵan lıtsenzııany qosa alǵanda, el quramasynyń qorjynynda 6 lıtsenzııa bar. Al qalǵan 4 joldama úshin Qazaqstan bylǵary qolǵap sheberleri 2012 jyldyń 30 naýryzy men 8 sáýiri aralyǵynda elordada ótetin qurlyqaralyq irikteý týrnırinde baq synaıdy.
