Bokstan Qazaqstannyń jastar quramasy Bakýde ótetin álem chempıonatyna qatysady
ASTANA. Sáýirdiń 15-i. QazAqparat /Ernur Aqanbaı/ - Bokstan Qazaqstannyń jastar quramasy sáýirdiń 20-sy men mamyrdyń 2-si aralyǵynda Bakýde ótetin álem chempıonatyna qatysady,
dep habarlaıdy QazAqparat.
«Bizdiń sport» saıtynyń málimetinshe, Qazaqstan jastar quramasynyń aǵa jattyqtyrýshysy Nazar Ilıasov atalmysh chempıonatta el namysyn qorǵaıtyn boksshylardyń sońǵy quramyn jarııalady. Ol tizimge asa aýyr salmaqty qospaǵanda árbir salmaq dárejesi boıynsha 2 boksshydan, barlyǵy 21 boksshy enip otyr. Aıta keteıik, osy jyldyń basynda ótken Azııa chempıonatynda bizdiń jas boksshylarymyz 4 altyn, 1 kúmis jáne 2 qola medaldi jeńip alǵan bolatyn.
