Bokstan Qazaqstan ulttyq quramasy Germanııada júr
ASTANA. QazAqparat - Bokstan Qazaqstan ulttyq quramasy Germanııada júr, dep habarlaıdy QazAqparat tilshisi.
Bul týraly bas bapker Myrzaǵalı Aıtjanov QazAqparat tilshisine bergen shaǵyn suhbatynda málim etti.
«Biz keshe, jeksenbi kúni Germanııaǵa ushyp keldik. Qazaqsha aıtqanda, «ıt tumsyǵy ótpeıtin ný orman» arasynda ornalasqan bazaǵa kelip jaıǵastyq. Basty maqsatymyz - birikken oqý-jattyǵý jumystaryn júrgizý. Qazir aýa raıy men ýaqyt aıyrmashylyǵyna beıimdelip jatyrmyz. Jalpy Germanııaǵa 15 boksshy alyp kelgen bolatynmyn. Onyń 10-y osynda ótetin týrnırge qatysady. Al beseýi jaqynda Fınlıandııa elinde ótetin taǵy bir týrnırge attanady. Al qalǵan jigitter Almatydaǵy AIBA akademııasynda jattyǵyp jatyr. Olardyń ishinen alty boksshymyz Bakýde ótetin «Jibek joly» týrnırine qatysady, - dep atap ótti bas bapker.
Esterińizge sala keteıik, osydan biraz ýaqyt Qazaqstan quramasy Almatyda AQSh jáne Germanııa boksshylarymen birlekken oqý-jattyǵý jıyndaryn ótkizgen bolatyn.
