Bokstan Qazaqstan men Reseıdiń ishki ister organdary qyzmetkerleriniń arasynda joldastyq kezdesý ótedi
ALMATY. Shildeniń 27-si. QazAqparat /Erlik Erjanuly/ - Tamyzdyń 16-20 kúnderi Máskeýde Qazaqstan men Reseıdiń ishki ister organdary qyzmetkerleri arasynda bokstan joldastyq kezdesý ótedi. Bul týraly búgin Almatydaǵy «Dostyq» sport kesheninde bokstan ótip jatqan ashyq jekeleı chempıonatta aıtyldy, dep habarlaıdy QazAqparat.
"Jeltoqsan aıynda "Dınamo" dene shynyqtyrý sport qoǵamy birlestiginiń Qqzaqstandyq qoǵamynyń qurylǵanyna 85 jyl tolady. Osy ýaqyttyń ishinde biz kóptegen jetistikterge qol jetkizdik. Atap aıtqanda, Qazaqstan egemendik alǵaly beri ótken 4 Olımpıada oıyndaryna qatysyp, dınamoshylar 33 medaldi jeńip aldy. Onyń 8-i altyn, 14-i kúmis, 11-i qola júlde", deıdi "Dınamo" deneshynyqtyrý sport qoǵamy tóraǵasynyń birinshi orynbasary Asqar Omarqulov. Onyń aıtýynsha, bıylǵy jyly uıymdastyrylatyn sporttyq merekelerdiń bári "Dınamo" qoǵamnyń 85 jyldyǵyna arnalady. Máselen, buǵan deıin el chempıonaty sambo men fýtboldan ótken edi. Búgin bokstan ótip jatyr. Endi mundaı jarystar tamyz aıynda voleıboldan, al qyrkúıekte qoıan-qoltyq urystan ótpek.
