Bokstan Qazaqstan quramasynyń burynǵy kapıtany Bolat Temirov dúnıeden ozdy

ASTANA. QazAqparat - Qazaqstan boks federatsııasy KSRO chempıony Bolat Temirovtyń dúnıeden ozǵanyn málimdedi, dep habarlaıdy QazAqparat.

«Ataqty keńestik jáne qazaqstandyq boksshy, KSRO chempıony, QazKSR jáne Qazaqstan chempıonattarynyń birneshe dúrkin jeńimpazy Bolat Temirov dúnıeden ótti. Ol nebári 53 jasta edi...

Bolat Bısenuly - 1992 jylǵy Olımpıada qatysýshysy, birneshe ret álem chempıonattarynyń qatysýshysy. Qazaqstan táýelsizdiginiń alǵashqy jyldarynda ulttyq quramanyń kapıtany boldy. Bokstaǵy mansabyn aıaqtaǵannan keıin bıznespen sátti aınalysyp, QBF bas hatshysy qyzmetin atqardy, Atyraý oblysynyń qurmetti azamaty boldy.

Qazaqstan boks federatsııasy men elimizdiń barsha boks qaýymdastyǵy Temirov Bolat Bısenulynyń otbasynyń qaıǵysyna ortaqtasyp kóńil aıtady», - delingen federatsııa habarlamasynda.

Foto: liter.kz