Bokstan Qazaqstan quramasy 2018 jylǵy jattyǵý jumystaryna kiristi
ASTANA. QazAqparat - Bokstan Qazaqstan ulttyq quramasy Almatyda 2018 jyldyń alǵashqy oqý-jattyǵý jumystaryna kiristi, dep habarlaıdy QazAqparat.
Bul týraly QazAqparat tilshisine quramanyń bas bapkeri Myrzaǵalı Aıtjanov aıtyp berdi.
«Azdaǵan demalystan keıingi alǵashqy jattyǵýǵa kirisip kettik. Endi boksshylar osy jyldyń sońyna deıin tynym tappaı eńbektenetin bolady. Alda Azıada oıyndary. Sol úshin barymyzdy salyp, eńbektenetin bolamyz. Qazir jattyǵýǵa tórt quram tolyǵymen kiristi», - dep atap ótti bapker.
Boksshylar Almatydaǵy AIBA akademııasynda jattyǵyp jatyr.
Sondaı-aq, bas bapker aldaǵy josparlarymen de qysqasha bólise ketti.
«Azıadaǵa deıin kóptegen jarystarǵa, oqý-jattyǵýlarǵa qatysamyz. Aqpan aıynda Reseı, Ózbekstan quramalarymen birlesken oqý-jattyǵýlaryn jasasaq, naýryzda Reseıge baramyz. Sáýirde taǵy bir shetelge oqý-jattyǵýǵa barýdy josparlap otyrmyz. Mamyr aıynda óz elimizde shet elden quramalar shaqyryp jattyǵý jasaıtyn bolamyz. Arasynda kóptegen halyqaralyq dodalar bolady. Sol jarystarǵa tórt quramdy da qatystyryp, ishinen kil myqtylardy taldap, Azııa oıyndaryna aparýdy josparlap otyrǵan jaıymyz bar», - dedi Aıtjanov.
