Bokstan Qazaqstan quramasy 2012 jylǵy London Olımpıadasyna tolyq qurammen barýǵa nıetti
ANA. 25 naýryz. QazAqparat /Jasulan Amanbaıuly/ - QR Boks federatsııasynyń prezıdenti Tımýr Qulybaev eldiń boks quramasy 2012 jylǵy London Olımpıadasyna tolyq qurammen baratynyna úmit artady.
T. Qulybaev bul pikirin federatsııanyń eseptik konferentsııasynda jýrnalıstermen bolǵan kezdesýinde aıtty.
Onyń aıtýynsha, boksshylar eń áýeli Olımpıada lıtsenzııalary sarapqa salynatyn 2011 jylǵy Álem birinshiliginde tabysty óner kórsetýleri qajet.
«Komandamyz barlyq salmaq dárejeleri boıynsha olımpıada joldamalaryn oljalap, Londonǵa tolyq qurammen barýyn josparlaýdamyz. Olımpıadada erler 10 salmaq dárejeleri boıynsha, áıelder 3 salmaq boıynsha myqtylardy anyqtaıdy», - dep atap ótti ol.
«Qazaqstan olımpıada oıyndarynda maqtanýǵa turarlyq óner kórsetýi úshin barlyǵymyz jaqsy jumys jasaýǵa tıispiz», - dedi sóziniń sońynda T. Qulybaev.
