Bokstan Qazaqstan quramasynyń jańa bas bapkeri aldaǵy maqsaty týraly aıtty

ASTANA. KAZINFORM - Bokstan Qazaqstan erler quramasynyń jańa bas jattyqtyrýshysy Nurjan Nasanov aldaǵy jospary jóninde aıtyp berdi.

Tájirıbeli maman qazirge deıin ulttyq qurama tizginin ustaǵan Qaırat Sátjanovty almastyrdy.

- Jańa qyzmetimde maǵan úlken jaýapkershilik artylyp otyr. QR Týrızm jáne sport mınıstrligi, Qazaqstan boks federatsııasy maǵan senim bildirdi. Álemde elimiz boks mektebi qalyptasqan, dástúri bar memleket retinde baǵalanady. On jyldan beri men osy salada eńbek etip kelemin. Basty ustanym - quramada tártip pen aýyzbirlikti saqtaý, jattyǵý júıesinde zamanaýı ádistemeni qoldaný. Bizdi bıyl jazǵy Azııa oıyndary kútip tur. Dúbirli dodada nátıjeli oıyn kórsetip, odan ári álem chempıonaty jáne Olımpıada oıyndaryna nyq qadam basýǵa kóńil bólemiz. Bul - qurama aldynda turǵan alǵysharttyń biri. Maǵan artylǵan senim úshin alǵys aıtamyn. Aldaǵy ýaqytta Qazaqstan boksynyń jarqyn jeńisterine birge jetemiz dep senemin, - dedi Nurjan Nasanov.

Aıta ketsek, Nurjan Nasanov 10 qańtarda bokstan Qazaqstan erler quramasynyń bas jattyqtyrýshysy qyzmetine Nurjan Nasanov taǵaıyndaldy.

Ol bul qyzmette 2024 jyldyń tamyz aıynan beri bolǵan Qaırat Sátjanovty almastyrdy.