Bokstan Qazaqstan quramasynyń burynǵy bapkerine kólik pen páter kilti tabystaldy
ASTANA. KAZINFORM- Bokstan Qazaqstan quramasynyń burynǵy bas bapkeri Qaırat Sátjanovqa qurmet kórsetilip, oǵan avtokólik pen úsh bólmeli páterdiń kilti tabystaldy.
Bul syı-sııapatty Astanada Qazaqstan boks federatsııasynyń birinshi vıtse-prezıdenti Darhan Qyzaıbaev tapsyrdy. Atap aıtqanda, QR eńbek sińirgen jattyqtyrýshysy Qaırat Sátjanovqa Toyota Land Cruiser 300 avtokóligi jáne Astana qalasynan 3 bólmeli páter kiltin berdi.
Aıta ketsek, Qaırat Tursynhanuly 2024 jyldyń tamyz aıynan bastap ulttyq quramanyń bas jattyqtyrýshysy qyzmetin atqardy. Onyń jetekshiligimen erler komandasy kóptegen halyqaralyq týrnırde top jaryp, álem chempıonatynyń júldelerin ıelendi. 35 jyldan asa tájirıbesi bar maman densaýlyǵyna baılanysty bul qyzmetten bas tartýyna týra keldi.
Endi bul qyzmetti Nurjan Nasanov atqaratyn boldy.