Bokstan Qazaqstan quramasy sheshýshi oqý-jattyǵý jıynyn ótkizip jatyr

ASTANA. KAZINFORM - Bokstan Qazaqstan ulttyq quramasy 17-29 maýsym aralyǵynda sheshýshi oqý-jattyǵý jıyny ótedi. 

Sport12.kz portalynyń habarlaýynsha, halyqaralyq deńgeıde ótetin birikken jattyǵý jıynyna AQSh, Kanada, Irlandııa, Brazılııa jáne Aýstralııa syndy elderdiń boksshylary qatysady.

Álem kýbogynda el quramasy sapynda Sanjar Táshkenbaı (50 keli), Mahmud Sabyrhan (55 keli), Serik Temirjanov (60 keli), Ertýǵan Zeınýllınov (65 keli), Abylaıhan Júsipov (70 keli), Sabyrjan Aqqalyqov (75 keli), Nurbek Oralbaı (80 keli), Bekzad Nurdáýletov (85 keli), Saǵyndyq Toǵambaı (90 keli) jáne Aıbek Oralbaı (90 keliden joǵary) synǵa túsedi.

Álem kýbogy elordadaǵy J.Úshkempirov atyndaǵy jekpe-jek saraıynda ótedi. 

World Boxing týrnıri úsh kezeńnen turady. Sáýir aıynda Brazılııanyń Fos-dý-Igýasý qalasynda World Boxing aıasynda ótken bokstan álem kýbogynda Dáýlet Tólemisov (85 keli), Nursultan Altynbek (55 keli), Jazıra Oraqbaeva (51 keli) chempıon atandy. 

Al Uljan Sársenbek (57 keli), Dıas Moljigitov (75 keli), Danııal Saparbaı (90 keliden joǵary) qola júldege qol sozdy.

Úshinshi kezeń 21-27 shilde aralyǵynda ótedi. Ázirge onyń qaıda ótetini belgili bolǵan joq.

Eske salsaq, Nıderlandtaǵy týrnırde qazaqstandyq boksshylar 8 medal aldy.