Bokstan Qazaqstan quramasy Ispanııaǵa attandy

ASTANA. KAZINFORM — Qazaqstan quramasynyń bas bapkeri Nurjan Nysanov Ispanııanyń Benıdorm qalasynda ótetin oqý-jattyǵý jıynyna baratyn boksshylar tizimin jarııalady.

Oqý-jattyǵý jıyny 25 qańtar-2 aqpan aralyǵynda bolady. Odan otandastarymyz 3-8 aqpanda La-Nýsııa qalasynda jalaýyn kóteretin «Boxam Elite» halyqaralyq týrnırinde baq synaıdy.

Qazaqstan quramasynyń tizimi:

50 keli. Sanjar Táshkenbaı, Nurzat Ońǵarov
55 keli. Mahmud Sabyrhan, Beksultan Boranbek
60 keli. Serik Temirjanov, Dáýlet Moldashev
65 keli. Sanatáli Tóltaev
70 keli. Tórehan Sabyrhan, Nurbek Mýrsal
75 keli. Tımýr Nurseıitov, Aman Qonysbekov
80 keli. Erasyl Jaqpekov, Azamat Bektas
85 keli. Nurbek Oralbaı
90 keli. Saǵyndyq Toǵambaı, Ońtalap Rahmanov
90 keliden joǵary. Aıbek Oralbaı, Nurasyl Asylhan.

— Túrkistan oblysynda ótken 2026 jyldyń alǵashqy oqý-jattyǵý jıynyn aıaqtap, Ispanııaǵa jol tarttyq. Bul jaqta birlesken jattyǵý jıynyna, ári qaraı Boxam Elite halyqaralyq týrnırine qatysamyz. Jarysqa jıyrmaǵa jýyq komanda keledi dep kútiledi. Jyldyń basy bolǵandyqtan, boksshylar biraz ýaqyt sharshy alańǵa shyqpaı qaldy. Sondyqtan bizge qazir jarys tájirıbesi asa qajet. Ispanııadaǵy týrnırge eki quram attandy, — dedi ulttyq quramanyń bas bapkeri Nurjan Nasanov.

Eske salsaq, budan buryn Nurjan Nasanov bokstan Qazaqstan quramasynyń aldaǵy josparyn jarııalady.