Bokstan Qazaqstan quramasy Azııa oıyndarynda 25 qyrkúıekte eki jekpe-jek ótkizedi
ASTANA. KAZINFORM — 2026 jylǵy Azııa oıyndarynda 25 qyrkúıekte Qazaqstan quramasynan eki boksshy sharshy alańǵa shyǵady.
Bul kúni Nazym Qyzaıbaı (54 keli) men Orazbek Asylqulov (60 keli) el namysyn qorǵaıdy.
25 qyrkúıek
13:00. 54 keli. 1/8 fınal.
Nazym Qyzaıbaı — Ksýa Jao (Qytaı)
13:00. 60 keli. 1/8 fınal. Besinshi jekpe-jek.
Orazbek Asylqulov — Donghvan Jang (Ońtústik Koreıa).
Nazym Qyzaıbaı 1993 jyly 14 qyrkúıekte dúnıege kelgen. 2014, 2016, 2025 jyldary álem chempıony ataǵyn jeńip alsa, 2025 jyly kúmis, 2012 jyly qola medal ıegeri atandy.
Sondaı-aq Nazym Qyzaıbaı 2024 jylǵy jazǵy Olımpıada oıyndarynda qola júldeger bolsa, 2021 jyly Azııa chempıony atandy.
Orazbek Asylqulov 1996 jyly 30 qarashada dúnıege kelgen. 2025 jyly álem chempıony ataǵyn jeńip alsa, Azııa chempıonatynda 2026 jyly altyn, 2024 jyly kúmis júldeger boldy.
Qurlyqtyq básekege elimizdiń erler quramasynda 6, áıelderde 5 boksshy attanǵan edi. Olardyń qatarynda erlerde Mahmud Sabyrhan (55 keli), Orazbek Asylqulov (60 keli), Tórehan Sabyrhan (70 keli), Sabyrjan Aqqalyqov (80 keli), Nurbek Oralbaı (90 keli), Aıbek Oralbaı (90 keliden joǵary) bar.
Al áıelderde tizimge Alýa Balqybekova (51 keli), Nazym Qyzaıbaı (54 keli), Vıktorııa Grafeeva (60 keli), Aıda Ábikeeva (65 keli) jáne Natalıa Bogdanova (75 keli) engizilgen.
Qazirge deıin Sabyrjan Aqqalyqov 1/8 fınalda Kım Mın Sengqa (Ońtústik Koreıa) 2:3 esebimen jol berdi.
Al Tórehan Sabyrhan Azııa oıyndaryndaq atarlyq Muhammed Dbıchıdi 5:0 esebimen qapy qaldyrsa, Alýa Balqybekova úndistandyq Sakshı Chaýdharıdi 3:2 esebimen tize búktirdi.
Qazaqstandyq boksshylar Azııa oıyndarynda sońǵy ret 2014 jyly Inchhonda altyn medal jeńip alǵan. Budan keıin Djakartadaǵy 2018 jylǵy jáne Hanchjoýdaǵy 2023 jylǵy Azııa oıyndarynda qazaqstandyq boksshylar altyn júldesiz qalǵan.
