Bokstan Qazaqstan quramasy álem chempıonatyna daıyndyǵyn bastady

ASTANA. KAZINFORM – Qazaqstandyq bylǵary qolǵap sheberleri dúbirli dodaǵa ázirligin Almaty oblysynda júrgizip jatyr. 

Qazaqstan boks federatsııasynyń málimetinshe, atalǵan jıynǵa tek tańdaýly boksshylar shaqyrylǵan. Ár salmaq dárejesinde 4 sportshydan keldi.

– Bylǵary qolǵap sheberleri 26 tamyzda Ulybrıtanııaǵa attanady. Birinshilik aldynda Sheffıld qalasynda birlesken oqý-jattyǵý jıyny ótedi. Oǵan Frantsııa, Shvetsııa, Norvegııa, Germanııa, Lıtva, AQSh, Kosovo, Fılıppın, Polsha, Irlandııa, Úndistan quramalary qatysady dep kútilýde, - dep málim etti Qazaqstan erler quramasynyń bas jattyqtyrýshysy Qaırat Sátjanov federatsııaǵa bergen suhbatynda.

Onyń aıtýynsha, álem chempıonatyna Qazaqstan quramasy áli tolyq jasaqtalǵan joq. Birneshe salmaqtaǵy qatysýshylardy osy jıynda qarastyrady.

Álem chempıonaty 4-14 qyrkúıek aralyǵynda Anglııanyń Lıverpýl qalasynda ótedi. 

Eske salsaq, budan buryn Azııa chempıonatynda 22 jasqa deıingi Qazaqstan quramasy 9 medal aldy.