«Bokstan Qazaqstan Federatsııasy kýbogy» básekesiniń 1/8 fınaldyq oıyndary aıaqtaldy
ASTANA. 14 qazan. QazAqparat - Almaty jáne Taraz qalalarynda «Bokstan Qazaqstan Federatsııasy kýbogy» básekesiniń 1/8 fınaldyq oıyndary ótti.
Almatyda rıng qojaıyndary - qalalyq federatsııanyń komandasy Qyzylorda oblysy quramasynan 7:3 esebimen basym tústi. Al Tarazda Jambyl oblysynyń boksshylary qonaqtary - ońtústikqazaqstandyqtardan 4:6. esebimen jeńilip qaldy.
Taldyqorǵanda Almaty oblysynyń sportshylary elordalyq qarsylastaryn 6:4 esebimen tize búktirdi. Óskemende shyǵysqazaqstandyqtar Pavlodar óńiriniń komandasyn 8:2 esebimen aıqyn basymdyqpen jeńdi.
Endi 20 qazanda «Batys» dıvızıonynda shırek fınalǵa shyqqan Mańǵystaý men Atyraý, «Soltústik» dıvızıonynda Qaraǵandy men Aqmola oblystarynyń quramalary baq synasatyn bolady. Al 27 qazanda «Ońtústik» dıvızıonyndaǵy Almaty qalasy jáne Ońtústik Qazaqstan, al «Shyǵys» dıvızıonynda «Shyǵys Qazaqstan men Almaty oblysynyń bylǵary qolǵap sheberleri kúsh synasatyn bolady.
