Bokstan Qazaqstan erler quramasynyń bas bapkeri aýysty
ASTANA. KAZINFORM – Bokstan Qazaqstan erler quramasynyń bas jattyqtyrýshysy qyzmetine Nurjan Nasanov taǵaıyndaldy.
Qazaqstan boks federatsııasynan málim etkenindeı, Nurjan Nıshanuly 1975 jyly dúnıege kelgen.
2016 jyly jattyqtyrýshy mansabyn bastaǵan. 2024 jyldyń tamyz aıynan ulttyq quramanyń jattyqtyrýshysy.
Eki dúrkin álem chempıony Sanjar Táshkenbaı jáne taǵy basqa boksshylardy tárbıelegen.
Nurjan Nasanov Qaırat Sátjanovty almastyrdy.
Qaırat Tursynhanuly 2024 jyldyń tamyz aıynan bastap ulttyq quramanyń bas jattyqtyrýshysy qyzmetin atqardy.
QR eńbek sińirgen jattyqtyrýshysynyń jetekshiligimen erler komandasy kóptegen halyqaralyq týrnırlerde top jaryp, álem chempıonatynyń júldelerin ıelendi. 35 jyldan asa tájirıbesi bar maman densaýlyǵyna baılanysty bul qyzmetten bas tartýyna týra keldi.
Eske sala keteıik, budan buryn Jánibek Álimhanulynyń dopıng daýy boıynsha naqty sheshim shyǵatynyn jazǵan edik.