Bokstan Qazaqstan erler quramasy Azııa chempıonatyna daıyndyǵyn bastady
ASTANA. KAZINFORM - Bas bapker Nurjan Nasanov jetekshiligimen bokstan Qazaqstan erler quramasy Túrkistan oblysynda birlesken oqý-jattyǵý jıynyn bastap ketti.
Daıyndyq barysynda olar aldaǵy Azııa chempıonatyna daıyndyq júrgizedi. Halyqaralyq deńgeıdegi jattyǵý jıynyna Ózbekstan, Túrkimenstan, Germanııa, Túrkııa quramalary keldi.
Aıta keteıik, eresekter arasyndaǵy Azııa chempıonaty 28 naýryz-11 sáýir aralyǵynda Mońǵolııa astanasy Ýlan-Batorda ótedi. Birinshilik aldynda sol jerde de birlesken oqý-jattyǵý jıyny uıymdastyrylady.
Ulttyq quramanyń bas bapkeri budan buryn shákirtteriniń 2026 jyldyń alǵashqy kezeńin Azııa chempıonatymen túıindeıtinin atap ótken edi.
- Qurlyqtyq dodaǵa deıin birneshe elmen birlesken oqý-jattyǵý jıynyn ótkizip, jyl basynan bergi jarystar men jattyǵýda ózin jaqsy kórsete bilgen boksshylardy Azııa chempıonatyna alyp baramyz. Bul - World Boxing uıymynyń eresekter arasyndaǵy alǵashqy qurlyqtyq birinshiligi. Jarys 28 naýryz-1 sáýir aralyǵynda Mońǵolııada bolady, - dedi Nurjan Nasanov.
Al ekinshi kezeń Azııa oıyndaryna deıin jalǵasady. Daıyndyq 19 qyrkúıek-4 qazan aralyǵynda Japonııada ótetin Azııa oıyndaryna daıyndyq esebinde júrgiziledi.
