Bokstan Qazaqstan erler quramasy álem kýbogyna daıyndyǵyn bastady

Birlesken oqý-jattyǵý jıyny Ózbekstannyń ıAngıabad qalasynda ótip jatyr. Atalǵan jıynǵa elimizden bólek, Ózbekstan, Tájikstan jáne Ońtústik Koreıa quramalary qatysýda. Oqý-jattyǵý jıynynyń baǵdarlamasy boıynsha ár eldiń boksshylary sheberligin shyńdap, jalpy dene daıyndyǵyna jumys júrgizedi.

Aıta keteıik, ekinshi álem kýbogynyń kezeńi 15-21 maýsym aralyǵynda Qytaıdyń Gýııan qalasynda ótedi.

Aıta ketsek, budan buryn qazaqstandyq boksshylar Brazılııanyń Fos-dý-Igýasý qalasynda 20-26 sáýir aralyǵynda ótken álem kýbogyn úzdik úshtikte aıaqtady.

Qazaqstandyq boksshylar bedeldi básekeni úsh altyn, bir kúmis, úsh qola medalmen aıaqtady. Bedeldi básekede Sultanbek Aıbaruly (85 keli), Valerııa Aksenova (80 keliden joǵary), Vıktorııa Grafeeva (60 keli) jeńimpaz tuǵyryna kóterildi.

Al Aıda Ábikeeva (65 keli) kúmis medal alsa, Alýa Balqybekova (51 keli), Jibek Jarasqyzy (80 keli), Dıas Moljigitov (80 keli) qola júldeger boldy.

Al fınaldyq kezeń qarasha aıynda Ózbekstanda ótedi. Degenmen naqty kúni men jarys ótetin qala ázirge belgilengen joq.