Bokstan Qazaqstan erler komandasy Serbııadaǵy týrnırdi sátti bastady
BELGRAD. QazAqparat - Serbııanyń Belgrad qalasynda bokstan halyqaralyq týrnır ótip jatyr, dep habarlaıdy QazAqparat Olympic.kz-ke silteme jasap.
Qazaqstan quramasynyń múshesi Ermahan Jaqpekov jarysty jeńispen bastady. 75 kelige deıingi salmaq dárejesinde synǵa túsken ol kıprlik Andresa Kokkınosany utty. Sonymen qatar, kelesi aınalymǵa Nurqanat Reıs te ótti. Ol jergilikti boksshy Ramı Kıvannan basym tústi.
69 kelige deıingi salmaqta sharshy alańǵa shyqqan Abylaıhan Júsipov shotlandııalyq Taıler Djollıdi utyp, jarysty kelesi aınalymda jalǵastyrady. Ertýǵan Zeınýllınov komandalastarynyń jeńisti jolyn jalǵastyrýda. 63 kelige deıingi salmaqta ol reseılik ıAn Shtokalenkodan aılasyn asyryp, kelesi kezeńge joldama aldy. Sondaı-aq, 81 kelide qazaqstandyq Nurbek Oralbaı serbııalyq Slobodan Iovanovıchty utyp, kelesi aınalymda judyryqtasýǵa múmkindik aldy. Ókinishke qaraı, 57 kelide aıqasqan Serik Temirjanov qarsylasyna jol berip, jarystan shyǵyp qaldy.
