Bokstan Qazaqstan chempıonaty: Jartylaı fınalǵa shyqqan qyzdardyń esimi belgili boldy
49 kelige deıingi salmaqta jartylaı fınalǵa shyqqan alǵashqy boksshy - aqmolalyq sańlaq, Qazaqstannyń bes dúrkin chempıony, Azııa jáne WSB chempıony Temirtas Júsipov. 32 jastaǵy boksshy óz qataryndaǵy eń tájirıbeli sportshy, sebebi onyń osy sportta kele jatqanyna 10 jyldaı ýaqyt bolǵan. 2018 jyldyń qorytyndysy boıynsha Júsipov eń úzdik boksshy atanǵanyn da aıta ketý kerek.
2016 jylǵy álem chempıony, QR eńbek sińirgen sportshysy, aqmolalyq Dına Jolaman 54 kelige deıingi salmaqta qurbysy Rano Parhatovadan basym túsip, jartylaı fınalǵa joldama aldy. Kelesi aıqasta ony qyzylordalyq Dámetken Kelimbet kútip tur. Bul salmaqta bas júldege basty básekelesterdiń biri retinde almatylyq Balaýsa Muzdymandy atap ótýge bolady.
Elordalyq boksshy, halyqaralyq dárejedegi sport sheberi, Azııa oıyndarynyń chempıony atanǵan 29 jastaǵy Іlııas Súleımenov 60 kelige deıingi salmaqta almatylyq Muhametjan Baltabaıdy jeńip, ¼ fınalǵa shyqty. Súleımenovke qarsy bul salmaqta shashasyn shań juqtyrmaı jastar arasyndaǵy Azııa chempıony Samatáli Tóltaev kele jatyr.
69 kelige deıingi salmaqta Tokıo Olımpıadasyna joldama alǵan Abylaıhan Júsipov ¼ fınalǵa shyqty. Qaraǵandylyq boksshy dúrkin-dúrkin shabýylymen aqmolalyq Sabyrjan Bekbergenovty súrindirdi. Kelesi jekpe-jekte Abylaıhan jastar arasyndaǵy Azııa chempıony Darhan Dúısebaımen qolǵap túıistiredi. Darhan buǵan deıingi qarsylasyn úsh ret nogdaýnǵa jibergen bolatyn. Almatylyq boksshynyń jasy 19-da ǵana.
Jambyldyq Asylanbek Shymbergenov shyǵysqazaqstandyq Azamat Ibraımovty jeńip, ¼ fınalǵa joldama ıelendi. Shymbergenov – 69 kelige deıingi salmaqta chempıondyqqa basty úmitkerdiń biri.
Jastar arasyndaǵy álem chempıony Nurbek Oralbaı Shyǵys Qazaqstan oblysynyń sportshysy Artem Vostrıkovty jeńip, Qazaqstan chempıonatynyń ¼ fınalyna ótti. 81 kelige deıingi salmaqta eń myqty qarsylas jáne sózsiz kóshbasshy - 2019 jylǵy álem chempıony Bekzat Nurdáýletov. Mańǵystaýdyń týmasy óziniń reıtıngine baılanysty bastapqy jekpe-jekterge shyqqan joq, tek shırek fınalda Atyraý oblysynan kelgen Amandyq Manashevpen kezdesedi.
Nurbektiń egizi 91 kelige deıingi salmaqtaǵy Aıbek Oralbaıdyń qarsylasy jarystan bas tartty. Soǵan qaramastan, aýyr salmaqtaǵy sportshylardyń aıqasy ish pystyrǵan joq. Qostanaılyq Mıhaıl Kohanchık pen 20 jastaǵy úsh dúrkin Azııa chempıony, astanalyq komandanyń maqtanyshy Saǵyndyq Toǵambaı naǵyz tartysty aıqasty ótkizdi. Olardyń bári de shırek fınalǵa shyqty.
