Bokstan Qazaqstan chempıonaty Ońtústik Qazaqstanda ótetin boldy
ASTANA. QazAqparat - Bıyl bokstan Qazaqstan birinshiligi Ońtústik Qazaqstanda ótetin boldy, dep habarlaıdy QazAqparat tilshisi.
Bul týraly búgin Qazaqstan boks federatsııasynyń Atqarý komıtetiniń bıýrosy birinshilikti ótkizýge ótinsh bergen óńirlerdi qarap shyǵyp, Ońtústik Qazaqstan oblysyn chempıonatty ótkizýge laıyqty dep biraýyzdan maquldady.
El birinshiligi 6-12 qarasha aralyǵynda 1500 kórermenge arnalǵan sport alańynda ótedi.
«Bizge chempıonatty senip tapsyrǵanyna qýanyshtymyz. El birinshiligin joǵary deńgeıde ótkizýge bar kúsh-jigerimizdi salamyz. Biz barlyq sportshylardy jáne jankúıerlerdi qonaqjaı Ońtústik Qazaqstan jerinde kútýdemiz, - dep atap ótti Ońtústik Qazaqstan oblysynyń boks federatsııasynyń atqarýshy dırektory Rahmanbek Arǵynbaev otyrys barysynda.
Aıta keteıik, osy el birinshiliginen keıin, bokstan Qazaqstan ulttyq quramasy qaıta jasaqtalady. Bul birinshilikte Rıo-de-Janeıro Olımpıadasynyń chempıony Danııar Eleýsinov te óner kórsetip, Ulttyq quramadaǵy óz ornyn saqtap qalýǵa tyrysady.
