Bokstan Qazaqstan chempıonaty bastalady
ASTANA. QazAqparat - Búgin Pavlodarda bokstan Qazaqstan chempıonaty bastalady, dep habarlaıdy QazAqparat QR Boks federatsııasynyń baspasóz qyzmetine silteme jasap.
Chempıonattyń resmı ashylýy keshki saǵat 16-00-ge josparlanǵan. Bul kúni 56 kelide - 4, 60 kelide - 6, 69 kelide - 3, 75 kelide - 6 jáne 91 elide 1 jekpe-jek ótedi. Jartylaı fınaldyq jáne aqtyq kezdesý qarashanyń 26-27-si kúnderine josparlanǵan.
Aıta keterligi, 46-49 keli salmaq sanatynda chempıondyq ataq úshin 13 boksshy talasady. Olardyń qatarynda Temirtas Júsipov, Aıbek Rymbekuly, Jomart Erjan syndy bylǵary qolǵap sheberi bar. Al 52 kelide 23 boksshy jarys jolyna shyǵady.
Al 56 kelide Qaırat Eralıev, Іlııas Súleımenov bastaǵan 20 bylǵary qolǵap sheberi bir-birimen aıqasady. 60 kelide Zákir Safıýllın, Meıirbolat Toıtov syndy 22 boksshy baq syınaıdy.
25 boksshy 64 kelide Qazaqstan chempıony atanýǵa úmitti. Olımpıada oıyndaryndaǵy qazaqstandyq salmaq atanǵan 69 kelide 19 sportshy judyryqtasady. Al 75 kelide kim myqty ekendigi 22 boksshy arasynda anyqtalady.
81 kelide judyryqtasatyn 14 boksshynyń qatarynda Jánibek Álimhanuly da bar. 91 kelide 17, al 91 keliden joǵary salmaq sanatynda 11 boksshy sharshy alańǵa kóteriledi.
