Bokstan Qazaqstan chempıonaty Semeıde ótedi

ASTANA. KAZINFORM — Bokstan eresekter arasyndaǵy el chempıonaty Semeı qalasynda ótedi.

Qazaqstandyq bylǵary qolǵap sheberleri 12-19 qazan aralyǵynda ár salmaqta ózara myqtyny anyqtaıdy. Oǵan elimizdiń barlyq óńirinen tájirıbeli boksshylar keledi dep josparlanǵan.

Ázirge kimderdiń qatysatyny belgisiz. Dese de el birinshiligi tartysty ótedi dep boljanyp otyr. 

Aıta ketsek, aldaǵy qyrkúıek aıynda World Boxing aıasynda Anglııanyń Lıverpýl qalasynda ótetin bokstan álem chempıonaty bolady.

Qazaqstandyq bylǵary qolǵap sheberleri dúbirli dodaǵa ázirligin Almaty oblysynda júrgizip jatyr. Endi olar sońǵy daıyndyǵyn pysyqtaý úshin Sheffıld qalasyna attanady. Onda 10-nan asa eldiń boksshylary boı kórsetken jıynǵa qosylady.

Qazaqstan boks federatsııasynyń málimetinshe, atalǵan jıynǵa tek tańdaýly boksshylar shaqyrylǵan. Ár salmaq dárejesinde 4 sportshydan keldi.

— Bylǵary qolǵap sheberleri 26 tamyzda Ulybrıtanııaǵa attanady. Birinshilik aldynda Sheffıld qalasynda birlesken oqý-jattyǵý jıyny ótedi. Oǵan Frantsııa, Shvetsııa, Norvegııa, Germanııa, Lıtva, AQSh, Kosovo, Fılıppın, Polsha, Irlandııa, Úndistan quramalary qatysady dep kútilýde, — dep málim etti Qazaqstan erler quramasynyń bas jattyqtyrýshysy Qaırat Sátjanov federatsııaǵa bergen suhbatynda.