Bokstan Qazaqstan birinshiliginde 1/2 fınalǵa qaı oblystan kóp sportshy shyqty
ASTANA. KAZINFORM - Jambyl oblysynyń ortalyǵy - Taraz qalasynda 29 qazan - 6 qarasha aralyǵynda ótip jatqan eresekter arasyndaǵy Qazaqstan chempıonatynda jartylaı fınalǵa shyqqan boksshylar anyqtaldy.
El birinshiliginiń jartylaı fınalyna Almaty qalasynan 14 bylǵary qolǵap sheberi shyqsa, odan keıin Qaraǵandy oblysynan 12, Jambyl oblysynan 11 sportshy úmit artyp otyr.
Al Túrkistan oblysynan - 8, Shymkent qalasynan - 7, Jetisý oblysynan - 6, Astana qalasy men Aqmola oblysynan - 4, Batys Qazaqstan, Qyzylorda oblystarynan - 3, Almaty men Qostanaı oblystarynan - 2, Aqtóbe, Abaı, Mańǵystaý, Pavlodar oblystarynan - boksshy jartylaı fınalǵa shyqty.
El birinshiliginde barlyǵy 20 salmaq boıynsha júldeler sarapqa salynyp jatyr. Boksshylar 30 qazan -1 qarashada aldyn ala jekpe-jekte synǵa tústi.
Odan keıin 2-3 qarashada shırek fınal bolsa, 4-5 qarashada jartylaı fınal belgilengen. Al 6 qarashada boksshylar fınalda bas júldeni sarapqa salady.
