Bokstan Qazaqstan áıelder quramasy halyqaralyq oqý-jattyǵý jıynyna qatysady

ASTANA. KAZINFORM - Bokstan Qazaqstan áıelder quramasy Anglııanyń Sheffıld qalasynda halyqaralyq oqý-jattyǵý jıynyna qatysady.

Bul jóninde Qazaqstan boks federatsııasy málim etti.

Otandastarymyz qazir Anglııa elinde daıyndyǵyn bastap ketti. Olar 4-14 qyrkúıek aralyǵynda Lıverpýldegi álem chempıonatynda baq synaıdy.

Eldos Saılalın bastaǵan bapkerler áıelder quramasynda tómendegi bylǵary qolǵap sheberlerine senim artty. Aldaǵy álem chempıonatynda elimizdiń atynan Nazym Qyzaıbaı (48 keli), Alýa Balqybekova (51 keli), Elına Bazarova (54 keli), Karına Ibragımova (57 keli), Vıktorııa Grafeeva (60 keli), Aıda Ábikeeva (65 keli), Natalıa Bogdanova (70 keli), Nadejda Rıabets (75 keli), Gúlsaıa Erjan (80 keli) jáne Eldana Talıpova (80 keliden joǵary) synǵa túsedi.

Al elimizdiń erler quramasynyń bas bapkeri Qaırat Sátjanov negizinen tájirıbeli boksshylarǵa senim artyp otyr. Olardyń qatarynda Sanjar Táshkenbaı (50 keli), Mahmud Sabyrhan (55 keli), Beıbarys Jeksen (60 keli), Ertýǵan Zeınýlınov (65 keli), Tórehan Sabyrhan (70 keli), Sabyrjan Aqqalyqov (75 keli), Nurbek Oralbaı (80 keli), Bekzat Nurdáýletov (85 keli), Saǵyndyq Toǵambaı (90 keli) men Aıbek Oralbaı (90 keliden joǵary) bar.