Bokstan Qazaqstan 8 Olımpıadada qansha medal jeńip aldy

PARIJ. KAZINFORM – Frantsııa astanasy Parıj qalasynda ótip jatqan Olımpıada oıyndarynda qazaq boksshylary jarystaryn tolyǵymen aıaqtady.

Parıj Olımpıadasy qazaq boksshylary úshin asa bir sátti bola qoımaǵany anyq. Kemi «bir altyn, 2 kúmis, 3 qola alamyz» degen bapkerlerdiń jospary oryndala qoıǵan joq. Erler quramasy jalǵyz kúmispen, al áıelder quramasy jalǵyz qolamen elge qaıtty. Osylaısha, Qazaqstan boksshylary sońǵy eki Olımpıada oıyndaryn altyn medalsiz aıaqtap otyr.

Osy oraıda, qazaq boksshylary táýelsiz Qazaqstan quramasy retinde qatysqan 8 Olımpıada oıyndarynda qansha júlde, qandaı medal alǵanyn esterińizge taǵy bir márte sala ketkendi jón sanap otyrmyz.

Olımpıada oıyndarynda Qazaqstan bokstan alǵan medalder:

Atlanta - 1996:

Vasılıı Jırov — altyn (81 kg)
Bolat Jumadilov — kúmis (51 kg)
Ermahan Ibraımov — qola (71 kg)
Bolat Nııazymbetov — qola (63,5 kg)

Sıdneı-2000:

Bekzat Sattarhanov — altyn (57 kg)
Ermahan Ibraımov — altyn (71 kg)
Bolat Jumadilov — kúmis (51 kg)
Muhtarhan Dildábekov — kúmis (91+ kg)

Afıny-2004:

Baqtııar Artaev — altyn (69 kg)
Gennadıı Golovkın — kúmis (75 kg)
Serik Eleýov — qola (60 kg)

Pekın-2008:

Baqyt Sársekbaev — altyn (69 kg)
Erkebulan Shynálıev — qola (81 kg)

London-2012:

Serik Sápıev — altyn (69 kg)
Ádilbek Nııazymbetov — kúmis (81 kg)
Ivan Dychko — qola (91+ kg)
Marına Volnova — qola (75 kg)

Rıo-2016:

Danııar Eleýsinov — altyn (69 kg)
Ádilbek Nııazymbetov — kúmis (81 kg)
Vasılıı Levıt — kúmis (91 kg)
Ivan Dychko — qola (91+ kg)
Darıǵa Shákimova — qola (75 kg)

Tokıo-2020:

Sáken Bıbosynov — qola (51 kg)
Qamshybek Qońqabaev — qola (91+ kg)

Parıj-2024:

Nazym Qyzaıbaı — qola (50 kg)
Nurbek Oralbaı — kúmis (80)