Bokstan Halyqaralyq týrnır: Qyzdar eki altyn medal utyp aldy
Buǵan deıin 51 kelide japondyq Namıkı Tsýkýmı altynnan alqa taqty. Jartylaı fınalda ol eki dúrkin álem chempıony Nazym Qyzaıbaıdy jeńip ketti.
Al 57 kelide Sánııa Sultanqyzy Japonııanyń taǵy bir ókili Hırýta Mıtsýkıden basym túsip, altyn medaldi ıelendi.
Osy salmaqta eki qazaqstandyq boksshy - Vladıslava Kýxta men Dámetken Kelimbet qolany oljalady. 60 kelide Rımma Volosenko jeńimpaz atandy. Al Aıjan Qojabekova kúmis aldy. 75 kelide Olımpıada júldegeri Darıǵa Shákimova shvetsııalyq Lav Holgersonǵa jol berip qoıdy. Osylaısha, qyzdar komandasy el qorjynyna eki altyn medal salyp berdi. Birinshi oryn alǵan sportshylarǵa arnaıy dıplom men 2 myń dollar kóleminde aqshalaı syılyqtar tabystaldy.
Aıta keteıik, dál qazir erler arasyndaǵy fınaldyq jekpe-jekter bastaldy. Atap aıtqanda, 49 kelide Jomart Erjan - Temirtas Júsipov, 52 kelide Ánýar Muzafarov - Ladon Rogen Sıaga (Fılıppın), 56 kelide Qaırat Eralıev - Dıýk Lamond Ragan (AQSh), 64 kelide Bekdáýlet Ibragımov - Ikboljon Holdarov (Ózbekstan), 69 keli salmaqta Abylaıxan Júsipov - Aslanbek Shyńbergenov, 75 kelide Ábilxan Amanqul - Erik Áljanov, 81 keli salmaqta Bek Nurmaǵambet - Bektemir Melıkýzıev (Ózbekstan), al +91 kelide Qamshybek Qońqabaev reseılik Maksım Babanınmen judyryqtasady.