Bokstan halyqaralyq kezdesýde Qazaqstannyń áıelder quramasy barlyq matchta jeńiske jetti
ASTANA. QazAqparat - Búgin Almaty oblysyndaǵy Talǵar aýdanynda Búkilálemdik boks akademııasynda (AІVA) ótken Mońǵolııa, Reseı, Ózbekstan jáne Qazaqstan quramalarynyń bokstan halyqaralyq kezdesýlerindegi barlyq 3 matchta Qazaqstannyń áıelder quramasy jeńiske jetti. Bul týraly «Qazaqstandyq boks federatsııasy» qaýymdastyǵynyń baspasóz qyzmeti habarlady.
Saıystardyń sońǵy kúni qazaqstandyq sportshy qyzdar 7.2 esebimen Reseı komandasyn jeńdi. Bul matchqa bizdiń ulttyq quramanyń tálimgeri Vadım Prısıajnıýk komanda kóshbasshylary - sońǵy respýblıkalyq birinshilik jeńimpazdaryn qoıdy.
2012 jylǵy álem chempıonatynyń qola júldegeri Nazym Qyzaıbaı (48 keli) Ekaterına Pınıgınany 3:0 esebimen, Dına Jolaman (54 keli) Lılııa Aıtbaevany 2:1, Gúljan Úbinııazova (60 keli) - Natalıa Shadrınany - 3:0, Zarına Tsoloeva (64 keli) - Aleksandra Ordınany - 2:1, Darıǵa Shákimova (69 keli) - Saadat Abdýllaevany - 3:0, Olımpıadalyq oıyndardyń qola júldegeri Marına Volnova (75 keli) - Ekaterına Nadolınskaıany 3:0, Lázzat Kúngeıbaeva (81 keliden astam) - Saıda Gamıdovany 3:0 esebimen tize búktirdi.
Al Janna Basqaeva (57 keli) Elena Graınarǵa 1:2 esebimen, Móldir Bazarbaeva (81 kelige deıin) Lıýbov Pashınaǵa 0:3 esebimen jol berdi.
Búgingi ótken basqa matchta Mońǵolııa boksshylary Ózbekstan sportshylarynan basym tústi.
