Bokstan erler quramasy Almatyda oqý-jattyǵý jıynyn ótkizedi
Bul elimizde koronavırýs ınfektsııasyna baılanysty jarııalanǵan tótenshe jaǵdaı rejıminen keıingi alǵashqy oqý-jattyǵý jıyny bolady.
«Jattyǵý jumystary arnaıy fızıkalyq daıyndyq baǵdarlamasy negizinde júrgiziledi. Atalǵan shara sanıtarlyq-gıgıenalyq talaptar boıynsha atqarylady. ıAǵnı, ulttyq qurama daıyndyǵyna 30 sportshydan artyq shaqyrylmaıdy. Tótenshe jaǵdaı kezinde boksshylar onlaın negizde jattyǵý jasady. Tótenshe jaǵdaı rejıminiń jeńildetilýine baılanysty qazir belsendi túrde jattyǵý júrgizýde. Olar 25 mamyrdaǵy oqý-jattyǵý sharasyna ázirligin pysyqtaýda.Aldaǵy ýaqytta Ýkraına, Reseı, Ózbekstan quramalarymen birlesken oqý-jattyǵý jıyndaryn ótkizý josparlanyp otyr. Sondaı-aq, kúz mezgilinde Qazaqstan birinshiligin uıymdastyrý oılastyrylýda. Boksshylar Halyqaralyq Olımpıada komıtetiniń kúntizbesinde kórseilgen halyqaralyq týrnırlerde sheberligin jetildire túsedi degen oıdamyz», - dedi ulttyq quramanyń bas bapkeri Ǵalymbek Kenjebaev.
Budan buryn bokstan erler arasyndaǵy 2021 jylǵy álem chempıonaty ótetin qala anyqtalǵan bolatyn.