Bokstan erler arasyndaǵy 2021 jylǵy álem chempıonaty ótetin qala anyqtaldy

NUR-SULTAN. QazAqparat - Bokstan erler arasyndaǵy 2021 jylǵy álem birinshiligi Serbııa astanasy - Belgrad qalasynda ótkiziletin boldy, dep habarlaıdy QazAqparat Halyqaralyq áýesqoı boks federatsııasyna silteme jasap.

Álem chempıonaty 2021 jyly Úndistan astanasy - Nıý-Delı qalasynda ótetin bolyp sheshilgen edi. Alaıda bul qala ókilderi AIBA aldynda qarjylyq mindetin oryndaı almady. Nátıjesinde olarǵa 500 myń AQSh dollary kóleminde aıyppul salyndy.

Belgrad óz tarıhynda ekinshi márte álem chempıonatyn qabyldaıdy. Budan buryn dúbirli doda 1978 jyly atalǵan qalada ótkizildi.

2021 jyly qyzdar arasynda da álem chempıonaty uıymdastyrylady. AIBA bul týraly sheshimdi keıinirek qabyldaıdy.

2019 jyly Qazaqstan álem chempıonatynan alty medal alyp qaıtty. Bir altyn, bir kúmis, tórt medal oljalaǵan quramamyz jalpy komandalyq esepte úshinshi orynǵa turaqtady.

Alǵashqy eki orynǵa Ózbekstan jáne Reseı quramalary ózara bólisti.