Bokstan eresekter arasyndaǵy Qazaqstannyń jekeleı chempıonaty Astanada ótedi
ALMATY. Jeltoqsannyń 30-y. QazAqparat /Erlik Erjanuly/ - Astanada qańtardyń 15-23-i kúnderi bokstan eresekter arasyndaǵy Qazaqstannyń jekeleı chempıonaty ótedi,
dep habarlaıdy QazAqparat Qazaqstan boks federatsııasyna silteme jasap.
Bul federatsııanyń 2010 jylǵy negizgi respýblıkalyq jáne halyqaralyq jarystar kúntizbesindegi alǵashqy sporttyq shara bolmaq. «Dáýlet» sporttyq tennıs kesheninde ótetin baıraqty básekege respýblıkalyq mańyzy bar Astana, Almaty qalalary men barlyq oblystardan qurama komandalar qatysady. Chempıonattyń jartylaı jáne aqtyq syndarynyń negizgi jekpe-jekterin «Qazaqstan» ulttyq telearnasy translıatsııa jasaıtyn bolady. Bul dúbirli dodanyń irikteý syndary qańtardyń 15-20 kúnderi, al 1/8 jáne ¼ saıystary qańtardyń 21-i, jartylaı jáne aqtyq fınaldary qańtardyń 22-23-i kúnderi ótedi.
