Bokstan eresekter arasyndaǵy el chempıonatynyń bas sýdıasy - álem chempıony, KSRO-nyń úsh dúrkin chempıony Valerıı Rachkov
ASTANA. Qańtardyń 17-si. QazAqparat /Marlan Jıembaı/ - Keshe bastalǵan bokstan eresekter arasyndaǵy el chempıonatynyń bas sýdıasy bolyp álem chempıony, KSRO-nyń úsh dúrkin chempıony Valerıı Rachkov bekidi. Bul aqparatty Qazaqstan boks federatsııasynyń baspasóz qyzmeti taratyp otyr.
«Sharshy alańdaǵy jekpe-jekter óte áseri bolady jáne bedeldi sýdıalar korpýsy tarapynan jiti nazarǵa alynady. Rıngtegi básekeniń áserligin osy chempıonattyń bas sýdıasy bolyp jerlesimiz, qazirgi ýaqytta reseılik tanymal maman Valerıı Rachkovtyń belgilenýi dáleldeı túsedi», delingen baspasóz habarlamasynda.
Sonymen qatar taǵy da 3 reseılik sýdıa jarysqa tórelik jasaıdy. Olar beıtarap referı mindetin atqaryp, sharshy alańdaǵy birqatar daýly máselelerdi sheshýge qatysady.
Mandat komıssııasynyń málimetteri boıynsha, jarys barysynda 30 Qazaqstan mamany da qyzmet kórsetedi. Olardyń jartysy halyqaralyq sanattaǵy tóreshiler jáne barlyǵy da respýblıkaǵa tanymal mamandar.
Bas tóreshiniń orynbasary K.Manashevtiń aıtýynsha, bul básekeler barysynda birqatar jańadan qyzmetke kirisken jattyqtyrýshylar jumystarynyń qorytyndysyn jankúıerler men mamandar baǵalaýǵa múmkindik alady.
Aıta keteıik, eresekter arasyndaǵy bokstan Qazaqstan chempıonaty qańtardyń 15-inde elordadaǵy «Dáýlet» sporttyq tennıs kesheninde bastaldy. Qańtardyń 20-yna deıin aldyn ala jekpe-jekter ótedi. Qańtardyń 21-inde shırek fınal, 22-sinde jartylaı fınal, al qańtardyń 23-inde fınaldyq báseke bolady.
Chempıonatqa 14 komanda, oblystardyń jáne Astana men Almaty qalalarynyń quramalary qatysýda. Barlyq quramalar baıraqty básekege 1-shi nómirli bylǵary qolǵap sheberlerin ákelgen.
Baspasóz qyzmetiniń habarlaýynsha, kórermen tarapynan bul básekelerge qyzyǵýshylyqtyń mol bolýyna oraı «Qazaqstan» telearnasy týrnırdiń jartylaı fınaly men aqtyq básekesin kórsetpek.
