Bokstan «Elorda Cup» týrnıri: Mahmýd Sabyrhan jeńimpaz boldy

ASTANA. QazAqparat - Bokstan «Elorda Cup» halyqaralyq týrnırinde 57 keli salmaqtaǵy Mahmýd Sabyrhan jeńis tuǵyryna kóterildi, dep habarlaıdy QazAqparat tilshisi.

Mahmýd Sabyrhan fınalda taǵy bir otandasymyz Asyljan Serikbaımen kezdesýi tıis bolatyn. Alaıda qarsylasy jekpe-jekke shyǵýdan bas tartty. Osylaısha Mahmýd halyqaralyq týrnırde jeńis tuǵyryna kóterildi.

Mahmýd Sabyrhan 2001 jyly Shymkent qalasynda dúnıege kelgen. 2023 jyly álem chempıony atansa, 2021 jyly kúmis júldeger boldy. Sondaı-aq 2022 jyly Azııa chempıonatynda ekinshi oryn aldy.

Eske salsaq, búgin «Elorda Cup» týrnırinde Sáken Bıbosynov chempıon atanǵan bolatyn.

Osy sátte halyqaralyq týrnırde fınaldyq jekpe-jekter ótip jatyr.

Básekege 10 elden 200-den astam sportshy jınaldy.