Bokstan «Elorda Cup» kýbogy: Abzal Quttybekov chempıon boldy

ASTANA. QazAqparat – Bokstan halyqaralyq «Elorda Cup» týrnırinde 86 keli salmaqta Abzal Quttybekov chempıon atandy, dep habarlaıdy QazAqparat tilshisi.

Qazaqstandyq boksshy fınalda taǵy bir otandasymyz Shaımurat Qusaıynovty jeńdi. Ol byltyr da atalǵan halyqaralyq týrnırde jeńis tuǵyryna kóterilgen edi.

Sondaı-aq bıylǵy týrnırde Temirtas Júsipov (48 keli), Ertýǵan Zeınýllınov (63,5 keli), Sáken Bıbosynov (51 kel), Mahmýd Sabyrhan (57 keli) chempıon atandy. Al Beknur Ojanov (60 keli), Elnur Súıinbaı (67 keli) kúmis júldeger boldy.

Osy sátte halyqaralyq týrnırde fınaldyq jekpe-jekter ótip jatyr. Básekege 10 elden 200-den astam sportshy jınaldy.