Bokstan el chempıonatyndy tosynsyı kóp bolady - Myrzaǵalı Aıtjanov
ASTANA. QazAqparat - Shymkent qalasynda erler arasynda bokstan Qazaqstannyń 25-shi chempıonaty bastaldy. Oǵan elimzidiń barlyq oblystarynyń, Astana men Almaty qalalarynyń 183 sportshysy qatysýda dep habarlaıdy QazAqparat QR Boks federatsııasyna silteme jasap.
Baıraqty básekege Ońtústik Qazaqstan oblysynan ár salmaq sanatynan 2 sportshydan qatystyrýǵa ruqsat berilgen. Al Almaty oblysy quramasynyń sapynda 17 boksshy bolsa, Pavlodar men Jambyl oblystaryn 15-ten bylǵary qolǵap sheberleri básekege túspek. Al Soltústik Qazaqstan men Batys Qazaqstan oblystarynyń namysyn 9-dan bylǵary qolǵap sheberleri qorǵaıdy.
El birinshiligi 12 qarashaǵa deıin jalǵasady. Onyń qorytynda bapkerler shtaby ulttyq qurama komandanyń jańa músheleriniń esimin jarııa etetin bolady.
«Menińshe, bul chempıonattyń tosynsyılary óte kóp bolmaq. Óıtkeni, qurama 70 paıyzǵa jańardy. 96, 97, 98 jyldary dúnıege kelgen sportshylar bizdiń komnadada rezervte, úshinshi, tórtinshi satyda bolǵan edi. Al osy joly olar ózderin kórsetip, birinshi bolýǵa múmkindik alyp otyr. Aǵymdaǵy jyly 99 jyly dúnıege kelgen, Azııanyń jastar birinshiliginiń jeńimpazy, júldegeri, álem júldegeri bolǵan sportshylar da qatysýda. Olardyń da múmkinshilikteri zor. Jastarǵa basymdyq beretin bolamyz», - dedi ol.
Onyń aıtýynsha, Qazaqstan chempıonatyna jastarmen qatar Olımpıada oıyndarynyń eki dúrkin júldegeri Ádilbek Nııazymbetov, álem chempıony Jánibek Álimhanuly syndy tanymal bylǵary qolǵap sheberleri de qatysýda.
