Bokstan el birinshiliginde myqtylar jartylaı fınalǵa jetti
ASTANA. KAZINFORM - Qaraǵandy qalasynda ótip jatqan bokstan eresekter arasyndaǵy Qazaqstan chempıonatynyń tórtinshi jarys kúni aıaqtaldy.
Bul kúni keıbir salmaqtarda jartylaı fınalǵa shyqqan boksshylar anyqtaldy.
El birinshiliginde 51 kelide kóshbasshy retinde tanylǵan Danıal Sábıt (Batys Qazaqstan oblysy) Almas Hınkındi ekinshi raýndta merziminen buryn jeńip, óziniń babynda ekendigin kórsetti. Endi ol jartylaı fınalda almatylyq Ernur Qaıratpen qolǵap túıistiredi. Taǵy bir jupta aqtóbelik Bekzat Aldamjarov pen qaraǵandylyq Ramazan Nurlybaev kezdesedi.
Al 60 kelide jartylaı fınalǵa jetken boksshylar buǵan deıingi jekpe-jekterde qarsylastaryn aıqyn basymdyqpen jeńip keledi. Endi 1/2 fınalda Serik Temirjanov (Pavlodar oblysy) pen Shyńǵys Mýsınov (Aqmola oblysy), Talǵat Syrymbetov (Qaraǵandy oblysy) pen Evgenıı Pavlov (Soltústik Qazaqstan oblysy) sheberlik baıqasaldy.
Bolashaǵynan zor úmit kúttiretin Sabyrhan Tórehan (67 keli) jekpe-jeksiz shırek fınalǵa shyqty. Endi ol jastar arasyndaǵy Azııa chempıony Baqtııar Anarbaevpen kezdesedi. Odan bólek, Elnur Súıinbaı, Sanatáli Tóltaev, Nurjan Amankeldi de aıtarlyqtaı qarsylyqqa tap kelmedi.
75 kelide Nurqanat Raıys, Tımýr Nurseıitov senimdi túrde jartylaı fınalǵa ótti. 1/2 fınalda Nurqanat Raıys (Atyraý oblysy) pen Maqsat Ótegenov (Abaı oblysy), Tımýr Nurseıitov (Astana) men Baqbergen Álıasqarov (Astana) kezdesedi.
Al 80 kelide Eń tartysty salmaqtaǵy boksshylar nokdaýndarmen kórermenderdi súısintti. 75 keliden kóterilgen birqatar sportshylar júldege ıe boldy. Bul salmaqta jartylaı fınalda Ilıar Ashırov (Almaty) pen Dáýlet Tólemisov (Aqtóbe oblysy), Mıhaıl Kohanchık (Qostanaı oblysy) pen Azamat Bektas (Qyzylorda oblysy) sharshy alańǵa shyǵady.
El birinshiliginde 92 kelide 1/2 fınalda Danııar Rahymberdınov (Almaty) pen Nursultan Ernııaz (Almaty oblysy), Nýrmagambet ıÝsýpov (Qaraǵandy oblysy) pen Madı Ámirov (Almaty) fınal joldamasyn sarapqa salady.
Al 92 keliden joǵary salmaqta 1/2 fınalda Nurlan Saparbaı (Túrkistan oblysy) men Nurasyl Asylhan (Shymkent), Danıal Saparbaı (Túrkistan oblysy) men Amanat Sabyrǵalı (Atyraý oblysy) sharshy alańǵa shyǵady.
Eske salsaq, Qazaqstandyq aýyr atlet qyzdar Dohada 55 kg salmaqta eki medal jeńip aldy.