Bokstan eki dúrkin álem chempıonyna qastandyq jasaldy
ASTANA. 6 qańtar. QazAqparat - Kýbada áýesqoılar arasyndaǵy bokstan álemniń eki dúrkin chempıony Hýlıo Sezar la Krýsqa qastandyq jasaldy.
Belgisiz bireýler 24 jastaǵy sportshyǵa ol Kamagýee qalasyndaǵy sport klýbynan shyǵyp kele jatqan kezde oq atqan. Oq boksshynyń sol jaq qabyrǵasyn jaraqattaǵan. Qylmyskerdiń ustalǵany jáne onyń ne sebepti osyndaı qylmysqa barǵany jaıly aqparattar ázirge joq.
La Krýs Kýbadaǵy eń úzdik boksshy sanatynda, ol 2011 jáne 2013 jyldardaǵy álem chempıony. 81 kelige deıingi salmaqta óner kórsetetin sportshy Kýba quramasynyń beldi múshesi, dep jazady «Novye ızvestııa».
