Bokstan dástúrli Konfederatsııa kýbogy bastalady
QR Ulttyq Olımpıadalyq komıteniń habarlaýynsha, atalǵan dodaǵa elimizdiń 14 oblysy men 2 qalasynan úzdik komandalar qatysady.
Bıylǵy Konfederatsııa kýbogy men Qazaqstan chempıonatynda boksshylar 8 salmaq dárejesinde synǵa túsedi. Halyqaralyq Olımpıada komıtetiniń áýesqoı boksqa engizgen ózgeristerine baılanysty 2 salmaq dárejesi alynyp tastaldy.
HOK bul ózgeris týraly 2017 jyldan beri aıtyp keledi. Bokstaǵy genderlik teńdikti qalyptastyrý úshin Olımpıada oıyndarynda áıelder boksyndaǵy salmaq dárejesi beske deıin kóbeıip, erler boksynan eki salmaq alynady.
2020 jylǵy Tokıo Olımpıadasy qarsańynda AІVA salmaq dárejelerine qatysty jańa erejeni bekitedi.
Qazaqstan boks federatsııasy bul jańalyqtarǵa qatysty daıyndyqty bastady. Konfederatsııa kýbogi týrnırinde 49 jáne 56 keli salmaqtaǵy boksshylar synǵa túspeıdi.
Osylaısha, boksshylar jyl saıynǵy Konfederatsııa kýbogine tas-túıin daıyn. 4 topqa bólingen komandalar bıyl jańa chempıondy anyqtaıdy. Jarystyń júlde qory - 25 mıllıon teńge.
Búginge deıin Astana, Mańǵystaý jáne Ońtústik Qazaqstan oblystary eki retten chempıon atansa, Qaraǵandy oblysy bir ret top jardy.