Bokstan «China Open-2011» ІІ halyqaralyq týrnırinde qazaqstandyq sportshylar toǵyz medal qanjyǵalady
ASTANA. 6 maýsym. QazAqparat - Bokstan erler men áıelder arasyndaǵy «China Open-2011» ІІ halyqaralyq týrnırine qatysqan Qazaqstan ulttyq quramanyń sportshylary oljaly oraldy.
Olar úsh altyn, eki kúmis jáne tórt qola, barlyǵy 9 medal qanjyǵalap qaıtty.
"3 maýsymda Gýıangta (Qytaı) aıaqtalǵan jarysqa álemniń 19 elinen 146 sportshy qatysty", - dep habarlady Qazaqstannyń boks federatsııasynan.
Qazaqstandyq jigitter 9 salmaq sanatynda óner kórsetip, 8 medal jeńip aldy.
Atap aıtqanda, 60 keli salmaqta - Samat Bashenov, 64 keli salmaqta - Danııar Eleýsinov, 75 keli salmaqta Nurdáýlet Jarmanov altyn enshiledi.
Asqar Abdýllaev (81 keli salmaqta) pen Dosjan Ospanov (+91 keli salmaq sanatynda) kúmis medal qanjyǵalasa, Nurbol Qaljanov (56 keli), Baqytjan Qojabekov (69 keli) jáne Aleksandr Gýlevskıı (91 keli) qolany qanaǵat tutty.
Boksshy qyzdarymyz úsh salmaq sanatynda óner kórsetip, 51 keli salmaq sanatynda Jaına Shekerbekova ǵana kúmiske qol jetkizdi.
