Bokstan burynǵy álem chempıony nemere aǵasyn oqqa baılaǵany úshin tutqyndaldy
ASTANA. QazAqparat - Bokstan orta salmaqta absolıýtti álem chempıony amerıkandyq Djermen Teılor nemere aǵasymen janjaldasyp, oq atqany úshin Djordjııa shtaty polıtsııasynyń qolyna tústi, dep habarlady sheteldik BAQ.
Úsh oq tıgen Teılordyń nemere aǵasy aýrýhanaǵa jatqyzylǵan. Al 36 jastaǵy boksshy qazirgi ýaqytta qamaýǵa alynyp, sot úkimin kútýde.
Aıta keteıik, D.Teılor eń mártebeli 4 nusqa, atap aıtqanda Dúnıejúzilik boks keńesi, Dúnıejúzilik boks qaýymdastyǵy, Halyqaralyq boks federatsııasy jáne Dúnıejúzilik boks uıymy nusqasy boıynsha absolıýtti álem chempıony atanǵan bolatyn.
