Bokstan barlyq jas sanaty boıynsha Qazaqstan chempıonaty qashan ótedi
ASTANA. KAZINFORM — Bokstan barlyq jas sanaty boıynsha Qazaqstan chempıonaty qaı ýaqytta ótkiziletini belgili boldy.
Aldymen Aqtaý qalasynda 7-13 qarasha aralyǵynda 17 jasqa deıingi jasóspirimder júldeni sarapqa salsa, 19 jasqa deıingiler 15-22 qarashada Astanaǵa jınalady.
Sondaı-aq 17 jáne 19 jasqa deıingi qyzdar 29 qarasha-5 jeltoqsan aralyǵynda el birinshiligine qatysady.
Al eresekter arasyndaǵy el birinshiligi 30 qazan-6 qarasha aralyǵynda Taraz qalasynda bolady. Aldymen 29 qazanda jerebe tartý rásimi ótkizilse, boksshylar 30 qazan-1 qarashada aldyn-ala jekpe-jekte synǵa túsedi.
Odan keıin 2-3 qarashada shırek fınal bolsa, 4-5 qarashada jartylaı fınal belgilengen.
Al 6 qarashada boksshylar fınalda bas júldeni sarapqa salady.
Eske salsaq, Qazaqstan quramasynan jeti boksshy U19 álem chempıonatynyń shırek fınalyna ótti.
